有冇諗過，點解幾乎每個歌手開演唱會都會戴住對耳機？🤔 係聽導演指示？聽音樂？定係聽觀眾尖叫？🎶 其實呢對耳機叫「入耳式監聽（In-Ear Monitors）」，簡稱 IEMs，仲要係特別訂製㗎！佢嘅作用真係好重要，等我同你講吓啦～

1️⃣ 聽清楚自己把聲
演唱會現場咁大，又多人又嘈，歌手好難聽到自己唱成點，有冇走音、有冇甩beat，全靠對耳機即時反饋，先可以即時調整，唱得更加穩定！🎤

2️⃣ 聽即時伴奏
場地音響係對住觀眾，背對歌手，加上空間大，音樂會有回音，如果唔戴耳機，歌手聽到嘅音樂可能會慢1-2秒，仲會好濛，咁樣點唱得好啊？🎶

3️⃣ 個人化音效
每個歌手習慣唔同，有人鍾意聽自己把聲大啲，有人只係想聽鋼琴伴奏，甚至有人唔需要音樂！對耳機就可以按自己需要調節，又唔會影響觀眾嘅體驗～😎

4️⃣ 即時指示或緊急應變
導演同團隊可以隨時透過耳機向歌手傳達指令，例如調整演唱、開始或停止，確保演出順利進行。遇到突發情況，導演仲可以即時通知歌手，例如暫停演出或調整表演內容，唔會亂晒大龍！

有人會問：「戴耳機咪聽唔到粉絲尖叫？」放心啦！通常佢哋唱完會除低一邊耳機，聽吓大家嘅反應同歡呼聲，點會忽略你哋啊！💕

所以話，呢對耳機真係演唱會嘅秘密武器，冇咗佢，歌手嘅表現可能就冇咁完美喇！下次睇演唱會，見到歌手戴住對耳機，你就知佢哋有幾專業啦！🔥

📷 @j.fcy 范卓賢 首個個人音樂會 - 當世界告別我們
🎧 Motivate Ears MS4 入耳式監聽耳機

#演唱會冷知識 #入耳式監聽 #歌手秘密武器 #音樂小知識 #演唱會必備 #MotivateEars #MS4